Surdeigsbrød og litt til ...

Då vart det helg, og eg fekk tida til å prøve ut surdeigane mine. Denne gongen brukte eg faktisk oppskrift. Det er ei stund sidan eg har laga brød med surdeig og tenkte det var tryggast å bruke ei god oppskrift. Oppskriftene fann eg i boka til Morten Schakenda: Om boller brød og tilfeldigheter fra bakeriet i Lom. Dette er ei bok eg verkeleg kan anbefale! Det er forholdsvis lite surdeig i dei oppskriftene, så då må det vere litt bra futt i surdeiga for å få det til. Eg var spent på om eg fekk det til. Eg meiner å hugse at surdeigane hans er fastare i konsistensen enn mine er. Laurdag morgon før eg reiste på jobb, mata eg opp deigane. Dvs. eg fylte på 50 gr mjøl og 50 gr vatn og blanda i deigane. So fekk det stå på kjøkkenbenken og godgjere seg til eg kom heim. Eg laga fyrst deig til lyst surdeigsbrød.

Etterheving gjorde eg i hevekorgene mine og det tok eit par timar. Her er det dei grove surdeigsbrøda som er klare til etterheving. Dei vart laga søndag.

Det vart litt trongt om saligheita ...

Resultatet vart ikkje so verst. :)) Og godt smakte dei.

Medan surdeigane mine heva, hadde eg god tid å kome meg ut ein tur, og her er våren komt sjølv om vi berre so vidt skriv mars.

So var det måndag, og dagens middag vart alt-i-eitt-gryte, det likar eg godt å lage.

Det er so kjekt å putte alt i ei gryte, enkelt og kjempegodt. Masse gode smakar blandar seg og resultatet er nydeleg. Lite å vaske opp og litt tid til å slappe av eller gjere litt husarbeid medan middagen lagar seg sjølv. ;-))

Fylt svinefilet med fargerikt fylgje.
ca. 4 porsjonar
600-700 gr svinefilet, eg brukte indrefilet
1/2 grøn paprika i store betar
1/2 rød paprika i store betar
3 gulrøtter, kutta i betar
2 rødløk, kutta i båtar
ca. 8 amadinepoteter, kutta i betar, ikkje alt for store
raud pesto eller ev. grøn pesto
1 "mozzarellaball"
Serranoskinke
god olivenolje
maldonsalt
nykverna pepar
italiensk krydderblanding eller provencekrydder
2 vårløk, kutta
litt sitronsaft
litt fersk oregano og rosmarin

Set bakaromnen på 200 grader. Del svinetfileten nesten i to på langs. Smør på raud pesto, mykje eller lite alt etter kva du ynskjer. Del mozzarellaosten i skiver og legg på fileten. Ha so på litt italiensk krydderblanding eller provencekrydder alt etter kva du har. Legg fileten sammen igjen og surr spekeskinke rundt til du har dekt fileten. Ha litt olivenolje i ei ilfast form. Legg i fileten. Ha deretter i poteter, gulrøtter, rødløk, paprika. Ringle på litt meir olivenolje og bland litt. Strø litt maldonsalt på grønsakene. Kvern over litt pepar. Ha på litt oregano og rosmarin og ein skvis med sitron. Set det i bakaromnen. Etter 10 min., legg på lokk eller folie. Steik vidare i 30 min. til. Ta so av loket eller folien og ha på vårløken og steik vidare i ca.10 min. Ta fileten ut av forma og del opp i skjever, legg det so tilbake i forma og server. Hugs å få med den gode krafta!

  Det var det eg hadde på hjartet i dag. ;o))

Vinterferie i Lancaster, England.

Då var vinterferien nesten over, og veka gjekk altfor fort, som vanleg. Det var veldig kjekt å besøke eldstemann i Lancaster og sjå korleis han har det. Vi var heldig med vêret også. Det var jo litt kaldt, men vi er jo i februar, so ein kan ikkje vente allverda. Her kjem nokre få bilete frå turen.

Byen hadde fleire historiske bygningar og plassar å by på. Vi var innom to av dei.

Lancaster Castle. Nesten 1000 år med historie. Vi var med på omvising og det var ganske interessant. Det hadde blant anna vore brukt til fengsel heilt opp til 2011! Rettsalane til Lancaster var her også, og det er dei som er brukte i dag. Det pågjekk ei rettssak den dagen vi var på omvising.

So var vi i Williamson Park.

Eit flott minnesmerke og fantastisk utsikt. Det var ein stor park og sikkert nydelig om sommaren med blomster og grøne tre.

Rett ved sidan av Ashton Memorial låg Edwardian Butterfly House.

Dei skulle ha ein god del sortar med sommarfuglar, men det er ikkje so lett å få auge på dei blant tre og busker. Og nokre fór og flaug so dei var umulig å ta bilete av, men her er eit par flotte eksemplar.

Elles so kan eg melde at det vart litt overvekt på koffertane heim pga. ganske ivrig handel på blant anna kokebøker, emaljert jerngryte og litt diverse matvarer. Og av alle ting: surdeig vart også med i kofferten!

Eirik hadde bestilt to surdeiger til meg frå forskjellige leverandørar. Den eine er opphaveleg laga for 20 år sidan. Eg har laga surdeig sjølv fleire gonger, men har ikkje passa på dei godt nok. Hadde tenkt å lage ny sjøl, men no får eg sjå om eg får liv i desse. :-)) Den eine var tørka, den delte vi slik at Eirik fekk halvparten. Den andre var fersk, so no får vi sjå om eg greier å passe dei og mate dei. :))

Det var ei kjapp oppsummering av ein koseleg tur.

Hallo, her kjem eit livstegn i frå meg. Det er so sjeldan eg rotar meg til med nye innlegg at eg burde kanskje berre legge ned heile bloggen. Trur stadig eg skal forbetre meg, men da ser heller dårleg ut. Ser mange har laga flotte årskavalkadar over alt det flotte dei har laga ifjor. Det er imponerande og kjempekjekt å sjå kor mykje flott folk lagar! Eg kjem med ein oppsummering av hausten 2012.

Her i heimen kan ein trygt seie at hausten 2012 har stått i DEIGA og BRØDBAKINGAS tegn. :o)
Her kjem nokre bilete frå haustferien i oktober, omnen vart då testa både på baking og middagsmat. Vi lagde middag, kledde godt på oss og sat på uteplassen og koooosaaa oss... Det har vorte ein del pizzakveldar også, italiensk pizza sjølvsagt. På bilete under har vi laga heilstekt lambelår og stekte poteter og grønnsaker, det smakte nydelig.

Ein liten pause...

Omnen tar mellom 24 og 26 brød. Den har vore oppfylt mange gonger i haust. Det har ikkje vore problem å bli kvitt brøda heller ;o) Mange i familien, vener og naboar har ikkje takka nei til nystekte brød.

Det har vorte dårleg med handarbeid i haust... Eg har laga meg ein Dorte Skappelgensar, held på med eit par gensara til og so har eg strikka eit par halsar og sydd nokre mobiletui. Det som er ferdig vart gjeve vekk til jul og eg har gløymt å ta bilete. Her er nokre få bilete av nokre kort eg har laga.

Elles so vart da fort november og julebaksten skulle gjerast. Som de kanskje skjønar so er eg glad i å bake og lage mat.... so dei som er lei av mat anbefalar eg å avslutte her ;)

Vi har tradisjon for å lage julepølser saman med nokre vener av oss. Det er alltid koselig å treffast ein av fyrste søndagane i advent og lage julepølser og so avsluttar vi med ein julepølse middag.

Litt førjulskos på hytta og uteplassen vart det også tid til...

Må berre sei at eg er kjempefornøgd med bakebordet som mannen min lagde til, vi fekk eit gamalt bakebord, jippiiii, det var nesten dobbelt so stort. Det vart skura og vaska. Snikkaren i huset, delte det og lagde det perfekt til på uteplassen. Det kan slåast ned når det ikkje er i bruk. Og det er stort og godt og perfekt til å bruke til pizzabaking, det må nemleg gjerast på plassen.

 Inn i mellom alt dette greidde eg å melde meg på ei julemesse. Hadde bestemt meg for at det skulle eg ikkje i år, men når eg vart spurt om å vere med greidde eg ikkje å la vere. Fekk ikkje levert all verden, men litt blei da og selt blei da også, so det var jo veldig kjekt. Skal forberede meg betre til neste år.... kanskje...

 Pynta ein del toffifee øskjer også. Her kjem nokre smakebetar.

 Då nærma det seg jul og 22. desember har vi tradisjon på å ha "pakkebytedag" her hjå oss. Då er da "ståande" buffet med litt diverse godsaker på bordet. Litt salt og litt søtt og sjølvsagt gløgg og peparkaker. Det er veldig lite høgtidleg, men veldig koseleg. I år var det ca 35 innom, so då lyt ein sitte litt her og litt der.

So kunne jula begynde, det vil sei det er framleis litt matlagning igjen. Yngste mann i heimen er fødd 25.desember og då har vi stort familiekalas. I år vart det gryterettar, salat og brød. Mor mi laga ei gryte og eg laga ei gryte. Det går litt mat til ca. 30 personar! Etterpå var det kaker og kaffi til dessert. 2.juledag senka roen seg fullstendig i heimen. Då var det tid for å begynde å lese på nokre av bøkene som stod på ynskjelista mi og som eg var so heldig å få i julegåver.

Då skal eg gje meg, de er sikkert leie og dotte av lasse for lenge sidan.... Eg har aldri nyttårsforsett, men eg burde ha eit om oftare blogginnlegg viss eg fortsatt skal ha bloggen. Og eg har ikkje lyst til å gje meg heller for det er jo moro når eg berre set meg ned og set i gong.

Då ynskjer eg alle eit STRÅLANDE NYTT ÅR! og ein fin måndagskveld!

Mariann

Konfirmasjonskort og litt til......

Heisan, her er det langt mellom blogginnlegga. Har jobba mykje ute med vask av hus og hagearbeid medan vêret held seg noko lunde.Vi hadde nokre fine dagar i slutten av april(fint vêr, men kald vind), no er det definitivt slutt ser det ut som. Har litt malingsarbeid ute, men det kan vi visst berre gløyme. Vêrmeldinga er regn og kulde og forrige søndag vakna vi til 15 cm nysnø! Det hatar eg i mai, arrrghhh!! No vil eg ha varme og sol!! So her kjem ein liten vêrrapport(som vanleg).


Benytta finvêret ein søndag for eit par veker sidan til å ta ein tur til Kannesteinen. Har ikkje vore der sidan eg var på skuletur på barneskulen. Kannesteinen ligg litt utanfor Måløy og det er fasinerande å sjå kva naturen lagar av kunstverk. Hadde rekna med bitande kald vind rett inn i frå havet, men det var so lunt og fint. Sat ei stund og kosa oss og nytte veret og utsikta.

Elles so var 1.mai ein nydelig dag, kald trekk, men lunt bak huset vårt. Eg er kjapp med å ta fram grillen om våren, elskar å grille :). Har faktisk greidd å grille tre gonger alt. Men dette bilete er frå frukosten.

Sola skein so fint på nokre primula som stod i full blomst i hagen.

Og tilslutt hadde vi ein nydelig solnedgong 1.mai om kvelden.

Det var altså tysdag 1. mai. Laurdag 5. mai såg derimot ikkje slik ut.... Då var det snøbyger og grisekaldt, berre å få på seg varmekjeledressen igjen, om ein skulle vere ute og jobbe.

Søndag 6.mai skulle vi i konfirmasjon og då vakna vi til dette. Tok bilete ut gjennom stovevinduet, orka ikkje opne altandøra ein gong.

Vel, vel det er nok om vêret for denne gong. Eg er ganske tålmodig med vêret om vinteren, men når våren og sommaren regnar vekk og er kald, då lurer eg ofte på kvifor vi bur her. Er iallefall slutta med å ha ferien i Noreg for lenge sidan!!

Her kjem nokre bilete frå konfirmasjonskorta eg har laga, har visst ikkje hugsa å ta bilete av alle, men her er dei fleste eg har laga i år. Ser at bileta ikkje er gode, fotografering vart gjort litt for kjapt og i for dårleg lys, dessverre.

Her kjem eit gutekort inn i mellom alle jentekorta.

Her kjem eit par kort som er laga som ei lommebok, henta inspirason frå fleire bloggar på nettet, blant anna Anita sin, og lagde so min eigen versjon.

Og so kan vi ikkje gløyme maten ;))  Her er eit par bilete frå i går kveld.

Ha ein fin søndag, folkens!!

Mariann